விரைவில் அரசு ஊழியர்களுக்கு 1 வருட மகப்பேறு விடுப்பு!

நேற்று, சிக்கிம் மாநில முதல்வர் பிரேம் சிங் தமாங், மாநிலத்தில் நடந்த சிவில் சர்வீஸ் அதிகாரிகள் சங்கத்தின் ஆண்டு பொதுக் கூட்டத்தில் பங்கேற்றார்.

அப்போது பேசிய அவர், அரசு ஊழியர்களின் நலன் கருதி, அவர்களுக்கு மகப்பேறு காலத்தில் 1 வருடம் விடுமுறை வழங்கும் சட்டத்தை அமல்படுத்த உள்ளோம் எனவும், தந்தைகளுக்கு 1 மாத விடுப்பு அளிக்கப்பட உள்ளது என்றும் தெரிவித்தார்.

இந்தச் சட்டம் அரசு ஊழியர்களுக்கு அவர்களின் குடும்பம் மற்றும் குழந்தைகளின் நலனுக்காக உதவும் என்றும், இச்சட்டம் குறித்த விவரங்கள் விரைவில் அறிவிக்கப்படும் எனவும் பிரேம் சிங் தெரிவித்துள்ளார்.